31.1.2014 | 22:39
Hrærð egg með vorlauk_´´Fjótlegt og þægilegt´´
Hrærð egg með vorlauk er einn algengasti rétturinn í Kína vegna það er afar auðvelt að elda hann og honum svipar til Ommelett. Í kínverskum sjónvarpsþáttum sérð þú oft leikara eða leikakonu matreiða þennan eggrétt. Hann var líka fyrsti rétturinn sem ég eldaði þegar ég var 10 ára.
Í dag er fyrsti dagur kínverska nýársins sem er ár hestsins. Ávallt á þriðja degi nýárs borðum við eggréttinn með LaoBing sem er brauðdeig eldað á pönnu. LiChun sem er fyrsti dagur vorsins í tunglalmanakinu borðum við vorpönnukökur með hrærðum eggjum og ýmsa aðra diska t.d. grísakjöt í brúnni sósu, steiktar baunaspírur, steikt spínato.fl.
Egg 2 stk.
Vorlaukur 1 stöngull
Salt 1/4 teskeið
Olía 3 matskeiðar
1. Hræra egg, skera vorlauk í smábita
2. Bæta vorlauki og salti út í eggjahræruna og hræra vel
3. Hella olíu á pönnuna
4. Þegar olía er orðin mjög heit hella egghrærunni út í og elda ommelettuna báðum megin
5. Rétturinn er tilbúinn þegar eggjahræran er orðin gullinbrún báðum megin.
Þú mátt annað hvort hræra eggjahræruna þannig að hún verði í smábitum eða steikja hana heila og snúa við til að elda báðum megin. Hér á landi má bera fram brauð eða pítabrauð með eggjahrærunni.
Bloggar | Breytt s.d. kl. 22:42 | Slóð | Facebook | Athugasemdir (0)